കോട്ടയം ∙ കെഎസ്ആർടിസി ബസുകളിൽ വിദ്യാർഥിനികൾക്കു ലഭിക്കുന്ന സൗജന്യ യാത്രാ ആനുകൂല്യം വിദ്യാർഥികളായ ആൺകുട്ടികൾക്കും വേണമെന്ന് കേരള കോൺഗ്രസ് (എം) ചെയർമാൻ ജോസ് കെ.മാണി. സ്ത്രീകൾക്കു ലഭിക്കുന്ന യാത്രാസൗജന്യം വിദ്യാർഥിനികൾക്കും ലഭിക്കുമെന്ന് അദ്ദേഹം പ്രതികരിച്ചു.
എന്നാൽ അവരോടൊപ്പം പഠിക്കുന്ന ആൺകുട്ടികൾക്ക് സൗജന്യം ലഭിക്കില്ല എന്നത് വിവേചനപരമാണ്. സ്ത്രീകൾക്കു സൗജന്യയാത്ര എന്ന സർക്കാർ പ്രഖ്യാപനത്തെ സ്വാഗതം ചെയ്യുന്നതായും അദ്ദേഹം പറഞ്ഞു.